Pandemia e koronavirusit e ka goditur rëndë sektorin e Turizmit në vendin tonë, një nga industritë më të mëdha që gjeneron miliarda të ardhura financiare.
Numri i turistëve të huaj ka rënë në nivele dramatike. Krahasuar me vjet, në këtë periudhë, qytetet dhe zona turisitke të vendit gjallëronin nga qindra-mijëra të huaj.
Por zv.kryeministri Erion Braçe është optimist. Ai ka zbuluar 5 turistë francezë në Divjakë dhe teksa poston foton e tyre në rrjetet sociale, thotë se shpreson që këta të mos jenë të fundit për këtë vit.
“Nga muaji shkurt; sot, këta janë turistët e parë francezë në Divjakë!
Shpresojmë shumë që Gushti e Shtatori të jetë i tyre, francezëve dhe cilido të huaji që do të pushojë në këtë vend, edhe në Divjakë,” shkruan Braçe në rrjetet sociale.
