Ministri i Turizmit dhe Mjedisit Blendi Klosi, i ftuar “Java në RTSH”, u shpreh se turizmi do të jetë një nga shtyllat e forta që do të rimëkëmbë ekonominë e vendit pas këtyre ditëve të vështira.
“Turizmi nuk do të jetë “Pacienti 0” i ekonomisë shqiptare. Turizmi do të jetë “Pëllumb Pipero”, që do qetësojë dhe do rimëkëmbë dhe sektorët e tjerë të ekonomisē shqiptare. Bazuar në dy karakteristika të tij: në 85 % lëvizja turistike është nga toka dhe 35 % e volumit turistik është turizmi i shqiptarëve të trevave. Jemi optimistë për rimëkëmbjen e shpejt.”, tha ai
Pandemia përveç të tjerave, po sjell domosdoshmërinë që edhe në sektorë si turizmi dhe mjedisi të hartohen politika të reja, shpjegoi ministri.
“Strategji që jemi duke i konkluduar edhe në përputhje me masat e partnerëve ndërkombëtarë. Ligji i turizmit blu, u miratua së fundmi nga qeveria, ndërkohë për mjedisin vendimi për heqjen e qeseve plastike, mund të shtyhet, por do të zbatohet.”, përfundoi ai.