Eksperti i marrëdhënieve ndërkombëtare, Enri Hide debatoi në emisionin “Now” lidhur me çështjen Beleri.
Sipas tij, Greqia ka interesa strategjike dhe ekonomike në Himarë, ndaj po këmbëngul në këtë çështje.
“Në epokën e sotme Greqia e ka standard të politikës së saj të jashtme, prej 20 vjetësh që tashmë, duke qenë se e ka të pamundur dominimin diplomatik në Ballkan, e ka zhvendosur vëmendjen drejt interesave strategjike ekonomike. Bëhet fjalë për një nga zonat më të rëndësishme të ekonomisë shqiptare, bëhet fjalë për miliarda euro. Greqia ka interes të ketë nën kontroll, të ketë një levë të rëndësishme në zemër të turizmit në Shqipëri”, tha Hide.
Ndërkohë, sipas Çanit, Himarën e ka dhe do e ketë pushtet me hir apo pahir.