Ka nisur shembja e pallatit të dëmtuar nga tërmeti në Kombinat. Inspektorati Kombëtar i Mbrojtjes së Territorit ka nisur rrethimin e perimetrit për të vijuar më pas me shembjen. Ekspertët kanë dalë në përfundimin se pallati në rrugën “Myslym Keta”, i dëmtuar nga tërmeti, është i pabanueshëm.
Një ekspertizë e thelluar nxori në pah se nuk sugjerohet riparimi i këtij objekti pasi dhe kostot do të ishin më të larta se ndërtimi nga e para.