Shqiptarët në Britaninë e Madhe kanë vendosur të mbajnë një protestë më 12 nëntor në “Westminister Bridge”. Shkak është deklarata e Sekretares së Brendshme britanike, Suella Braverman, kundër shqiptarëve, për të cilët tha se po “pushtojnë” Britaninë e Madhe.
Ndaj, me anë të një postimi në rrjetet sociale, shqiptarët që jetojnë në Angli kanë bërë thirrje që të dalin në protestë më 12 nëntor në orën 10:30.
“Protestë kundër poshtërimit të shqiptarëve në Britani. Ftojmë të gjithë shqiptarët të marrin pjesë,” thuhet në njoftim.
Pak ditë më parë, edhe kryeministri Edi Rama, në një reagim për prestigjiozen BBC, tha se termi “pushtim” i përdorur nga Braveman është absurd. Sipas kreut të qeverisë, Braveman nuk nxit gjë tjetër veçse sjellje ksenofobe dhe se është i neveritur nga kjo lloj politike e Britanisë së Madhe.
