Deputeti i Partisë Demokratike, Oerd Bylykbashi ka publikuar një foto nga Durrësi, ku tre policë bashkiakë qëndrojnë të pozicionuar në një palë viza të bardha për këmbësorët.
Kjo pamje, e cila për Bylykbashin është paradoksale, ndodh tashmë që po afrojnë zgjedhjet lokale.
“Pamje e denjë për shprehjen: “U gjet Kola në punë”. Tre policë bashkiakë për një palë viza të bardha. Këtë pamje e sheh rëndom nëpër Durrës këto ditë. Nuk është çështje paaftësie dhe prandaj duhen tre policë. Duhet vota e tyre dhe blihet me vende pune”, shkruan ai.
Më tej, demokrati shprehet se Prokuroria nuk ka ndërmarrë asnjë reagim për situata të ngjashme që po ndodhin pikërisht tani, para zgjedhjeve lokale.
“Vijnë zgjedhjet dhe vetëm atëherë sheh se si gëlojnë policët bashkiakë nëpër rrugët e Durrësit. Po kështu me punësimet në institucionet e tjera. Dhe prokuroria rri e vështron yjet”, shtoi ai.
Pamje e denjë për shprehjen: “U gjet Kola në punë”. Tre policë bashkiakë për një palë viza të bardha. Këtë pamje e sheh rëndom nëpër Durrës këto ditë. Nuk është çështje paaftësie dhe prandaj duhen tre policë. Duhet vota e tyre dhe blihet me vende pune. pic.twitter.com/qvKbJRTyHQ
— Oerd Bylykbashi (@OerdBylykbashi) January 18, 2023