Paraditja e sotme është mbushur me vaksinimin e disa personaliteteve mbi 80 vjeç, bashkë me të moshuar të tjerë. Fotot e postuara nga kryeministri Edi Rama, gjatë procesit, ka ‘nxehur’ komentuesit. Ironia si nga komentuesit, edhe nga kryeministri nuk ka munguar, duke përfunduar në disa raste edhe një ‘acarimin’ e Ramës.
PJESË NGA BISEDA:
Komentuesi: Duhet të ketë secili mundësi të vaksinohet, dhe kjo duhet të ofrohet për një popullsi të vogël si e jona edhe sikur të duhet me paguar më shumë se të tjerët.
Edi Rama: Nuk ka lidhje me pagesat o lum miku, po s’ka doza në treg se s’janë domate as qepë!
Komentuesi: Prindërit tanë do të vaksinohen kur të bëhen të famshëm.
Edi Rama: Ironi medemek eee? Nejse, të famshëm aty janë 20 veta dhe të tjerët janë njerëz të zakonshëm që do vazhdojnë përditë apo ti mendon që të famshmit duheshin lënë në fund, meqë kanë kontribute të veçanta për vendin! A kuptoni shqip dusa nga ju apo jo, po lexo pra lexo, se po të mos ishin të gjithë njëlloj se kishim filluar nga shtëpitë e pleqve të vetmuar dhe po e vazhdojmë pikërisht me plus 80-vjeçarët, ndërsa iu bëni llafe për 20 vetë, të cilëve në fakt vetëm duhet t’u përuleni me respekt, e jo t’i përgojoni për turp të dheut!