Analisti Neritan Sejamini, dënoi gjuhën e përdorur nga Policia e Shtetit për vrasjen e 32-vjeçarit Lear Kurti, një natë më parë. Sejamini tha se policia është fshehur dhe në komunikatën e saj për 32-vjeçarin përdori një gjuhë banale dhe tronditëse për vdekjen e një shtetasi
“Dikur, në komunizëm, shikoje deklarata e përbashkët e Komitetit Qendror të PPSH-së. Tani është prokuroria që drejton hetimin bashkë me policinë. Kjo është skandaloze. Që këtu më lind dyshime që diçka nuk shkon. Prokuroria bëri një deklaratë komuniste, nuk asnjë element juridik, asnjë element të komunikimit publik.
Deklarata e parë e policisë thotë: Menjëherë është kërkuar ndihma e shërbimit të urgjencës, për shkak se situata shëndetësore është rënduar … dhe vazhdon…ky shtetas është dërguar me mjetin e policisë në spitalin e Traumës ku edhe ka ndërruar jetë. Pra në fund të fjalisë thotë se edhe ka ndërruar jetën.
Dhe mua më goditi kjo fjalë: edhe ka ndërruar jetë.
Policia e cila akuzohet sot se edhe mund të jetë ajo shkaktare e vdekjes e redukton vdekjen e një personi në një gjuhë banale.
Sot nuk ka dalë asnjë figurë e policisë përpara publikut dhe të qetësojë, të thotë se jemi të shqetësuar, na vjen keq, ndjejmë seriozitetin e detyrës. Fare. Janë fshehur. Policia shqiptare nuk ka patur sot faqe në web. Faqja e saj që ruhet në arkivë është e vitit 2019. Prokuroria e Tiranës nuk ka faqe ne web”-tha Sejamini duke folur në emisionin “Të Paekspozuarit”.