Kryeministri Edi Rama ka reaguar për deklaratën e zëvendës kryeministrit serb, Aleksander Vulin, se “Vetëm bota serbe e ndal Shqipërinë e Madhe”. Në një bisedë me gazetarët pas Samitit Rajonal të Ballkanit Perëndimor me BE, Rama u përgjigj shkurt. “Shihni fytyrën e Vulin dhe s’ka nevojë për koment”, tha ai.
Duke iu referuar vizitës dhe takimit të kryeministrit Rama me diasporën shqiptare në Greqi, Vulin tha se Shqipërinë e Madhe mund ta ndalin vetëm bota serbe, por pse jo sipas tij, edhe grekët, duke iu shtrirë dorën për bashkëpunim.
Lexo edhe :
Related Posts
Ministria për Evropën dhe Punët e Jashtme, thirri ambasadorin e Serbisë, Slobodan Vukčević për t’i kërkuar sqarime. “MEPJ pret reflektim të menjëhershëm, në mënyrë që deklarata të tilla të dëmshme, të përsëritura të mos ndikojnë në marrëdhëniet tona, të cilat duhet të jenë të orientuara drejt fqinjësisë së mirë dhe integrimit evropian”, tha ministria në reagimin e saj.