Kryebashkiaku i Tiranës ka postuar në rrjetin social Facebook transformimin e bërë në konviktet e Qytetit Studenti, Universitetit Bujqësor si edhe ato të Fakultetit të Mjekësisë ku sipas tij para 2015 hapësirat e këtyre godinave kanë qenë të zaptuara nga ndërtimet pa leje.
Veliaj shprehet se 7 konvikte në Qytetin Studenti janë ndërtuar nga e para, 4 janë rikonstruktuar si edhe 14 të tjera janë në punë e sipër me mbështetjen e KfW. Ai shton se 8 konvikte të reja janë ndërtuar për studentët e Universitetit Bujqësor të Tiranës, 2 konvikte të reja për studentët e Fakultetit të Mjekësisë dhe 4 konvikte të reja për studentët e Fakultetit të Inxhinierisë së Ndërtimit.
Kreu i bashkisë solli në vëmendje edhe hapjen e Kolegjit të Europës në Tiranë ku duke nisur nga viti i ardhshëm kampusi do të dyfishohet si edhe do rritet numri i studentëve nga 31 që është këtë vit në 55.
! Po ato të Universitetit Bujqësor apo të Fakultetit të Mjekësisë? Të degraduara, pa asnjë kusht jetese për studentët.
Transformimin e konvikteve e kthyem në mision të përditshëm, që nga dita e parë në detyrë. Rezultati?
7 konvikte të ndërtuara nga e para dhe 4 të rikonstruktuara në Qytetin Studenti.
14 të tjera janë në punë e sipër, falë mbështetjes së vyer të kolegëve gjermanë të KfW.
8 konvikte të reja të ndërtuara për studentët e Universitetit Bujqësor të Tiranës.
2 konvikte të reja për studentët e Fakultetit të Mjekësisë.
4 konvikte të reja për studentët e Fakultetit të Inxhinierisë së Ndërtimit.
Të gjitha me kushte moderne! Dhe shifrat flasin vetë për punën e jashtëzakonshme që kemi bërë në një dekadë.
Ndërsa, qershia mbi tortë ishte hapja e Kolegjit të Europës në Tiranë, ç’ka na konfirmoi besimin për punën e madhe që kemi bërë për studentët shqiptarë, të cilët kanë të njëjtat kushte me ata europianë.
Nga viti i ardhshëm universitar, kampusi do të dyfishohet, e po ashtu do të rritet edhe numri i studentëve: nga 31 këtë vit, në 55 studentë.
Këto janë fakte dhe ato mbesin si dëshmi e një pune dhe përkushtimi të përditshëm për të mirën e Tiranës dhe qytetarëve të saj”,theksoi Veliaj në postimin e tij.