Deputeti i Partisë Demokratike Saimir Korreshi thotë se pas vendimit të gjykatës së Apelit për vulën, Partia Demokratike do të dalë më e copëtuar.Duke folur në Report Tv, Korreshi tha se pas vendimit demokratët fillimisht do të shahen mes tyre, më pas do të nisin një lloj bashkëpunimi për zgjedhjet e 14 majit, e më pas drejt një bashkimi.
“Ky vendim është i vonuar! Nuk i bën mirë procesit zgjedhor ku kemi hyrë. Mendoj dhe gjykoj se prandaj nuk kishte interes protesta. Kishin më shumë interes se çfarë do të vendoste gjykata e Apelit. Do jem gjithë kohës në PD. Do dalë më e copëtuar pas vendimit të Apelit. Pas vendimit të gjykatës do të fillojnë dhe të shahen demokratët mes njëri+tjetrit. Do të ketë këtë lloj tensioni. Njëra palë s’do pajtohet me tjetrën dhe do të shkojmë dy hapa mbrapa. Gjykoj se do të ketë një stepje. Vendimi i gjykatës do të jetë pika 0 e PD-së për të filluar një bashkëpunim e më pas për një bashkim”- tha Korreshi.