Një stacion policie në La Courneve, afër Parisit, u sulmua të dielën mbrëma me kokteje molotovi, pas vdekjes së një 18-vjeçari javën e kaluar.
Pak para orës 23:00 me orën lokale, rreth 50 persona u mblodhën dhe hodhën gurë dhe bomba të improvizuara në stacionin e policisë. Dy policë u plagosën lehtë në dorë.
Pasi u thirrën përforcime, trazirat u vunë nën kontroll.
🇫🇷The police station of La Coureneuve is the target of riots right now.#France pic.twitter.com/TT8dFifgwI
— Eirik_and_tanks (@Eirik_and_tanks) March 17, 2024
Nëntë persona u arrestuan, shtatë janë të rritur, të moshës 18-21 vjeç dhe dy janë të mitur, sipas shefit të policisë së Parisit, Laurent Nunies.
“Ne e bëmë këtë për të kërkuar drejtësi për Ouanis, edhe pse vëllai i tij i madh kërkoi qetësi,” tha një i ri.
Trazirat po ndodhin pas vdekjes së një 18-vjeçari nga La Courneve, i cili humbi jetën në një ndjekje policore të mërkurën e kaluar.
“Ne nuk jemi të shqetësuar për sulme të reja” dhe “ne do të marrim masa në të gjithë komunitetin në ditët në vijim,” tha Nunies pasi vizitoi punëtorët në stacionin e policisë në mesditë.
Një gazetar i AFP tha se prania e policisë në zonë ishte e dukshme.
Wanish, i cili ishte duke hipur në një skuter, u ndoq nga policia pasi ai refuzoi të ndalonte për një kontroll. Skuteri e tij u godit nga një makinë policie, e cila u thirr për ndihmë dhe po vinte nga ana e kundërt.
Avokati i familjes së të riut akuzoi të premten oficerët se e kishin goditur atë “me dashje”, por avokati i oficerëve këmbëngul se ishte një aksident.