Edhe këtë të enjte seanca plenare në Kuvendin e Shqipërisë ishte në kaos, ku këtë herë seanca zgjati vetëm 8 minuta. Me 77 vota, Partia Socialiste ka votuar edhe me 3 votat nga deputetët e PDIU-së marrëveshjen me Italinë për refugjatët që do të vijnë në Shqipëri.
“Italia një shtet mik, e kemi pasur në krah dhe duhet ti jemi në krah”,-tha kryetarja e grupit të PDIU-së Mesila Dode duke treguar arsyen pse deputetët e Partisë për Drejtësi Integrim dhe Unitet bashkuan votat me mazhorancën për votimin e Marrëveshjes me Italinë për emigrantët.
Lexo edhe :
Related Posts
Nga ana tjetër, me kërkesë të kreut të grupit të PS-së, Bledi Çuçi është hequr nga rendi i ditës projektligji për amnistinë penale, pasi nuk u arrit konsensusi me opozitën për 84 vota.
Kreu i grupit parlamentar i PD, Gazment Bardhi bllokoi foltoren, ndërsa ka replikuar në distancë më kryetaren e Kuvendit. “Ju dhe shokët tuaj erdhët dhe zaptuat Byronë e Kuvendit. Në respekt të zonjave ne lamë mbledhjen e Byrosë, por ishit ju që e refuzuat”, tha Lindita Nikolla duke iu drejtuar Gazment Bardhit.
Pr/ligji për aministinë penale për tu miratuar duhen 84 vota të cilat në seancën e sotme PS nuk i kishte, ndërkohë nuk përjashtohen negociatat me partitë e vogla për të arritur votat. Me 74 vota u miratua ligji ”Për zonat e mbrojtura”.
