Mbrojtësi Elseid Hysaj sot pësoi një dëmtim të rëndë (të paktën kështu duket deri tani) në ndeshjen Torino-Napoli. Shkodrani e nisi si titullar takimin, por ka rezultuar pa fat, sepse ka kërcyer në ajër për të fituar dyluftimin me Ansaldin dhe ka përfunduar duke rënë keqas me kokë.
Lojtari i Torinos ka tentuar ta ndihmojë, por dyluftimi ka qenë i ashpër dhe duhej ndërhyrja e mjekëve napolitanë. Hysaj është larguar nga fusha dhe shpresojmë që ky dëmtim të mos i prishë punë për dy ndeshjet e radhës së kombëtares shqiptare.
Kujtojmë se kuqezinjtë do të luajnë me Turqinë dhe Moldavinë.