Futbollisti shqiptar me origjinë nga Berati, Mario Vrushaj, i cili ka zgjedhur të përfaqësojë kombëtaren e Greqisë, gjeti rrugën e rrjetës në derbin e Athinës mes AEK dhe Olimpiakos.
22-vjeçari i cili aktivizohet me skuadrën bardhekuqe, tundi rrjetën në minutën e 57-të, në sfidën që përfundoi në barazim 1-1. Pas asistit të Bukalakis, Vrushaj, goditi saktë duke e ccuar topin në cepin e portës. Fillimisht gjyqtari sinjalizoi se goli ishte i parregullt, për shkak të pozicionit të beratasit, por më pas pas konsultës me VAR, goli i quajt i rregullt.
Vendasit e AEK-ut barazuan shifrat në minutën e 80-të, me anë të Simoes. Kur janë luajtur 11 javë, Olimpiakos kryeson kampionatin me 29 pikë, 3 më shumë se Arisi i Ergys Kaçes që mban vendin e dytë. Ndërkohë AEK-u pozicionohet në vendin e 4-t me 23 pikë.