Detaje të reja dalin në dritë nga hetimet për zbardhjen e vrasjes së palestinezes Rayyan Alwan, e cila u vra nga i ati, Fadi Alwan, në Tiranë. Autoritetet gjermane bëjnë me dije se shkaku është për çështje nderi. Dyshohet se familja ishte në presion për ekzistencën e një video ku vajza e tyre shfaqej nudo.
Në datën 26 shkurt, nëna e saj ka bërë një kallëzim penal për zhvatje në Gjermani për këtë video. Sipas nënës së Rayyan, ajo i kishte dhënë disa herë vajzës para për të paguar kërcënuesit që u kishte rënë në dorë video dhe vajza, pa praninë e së ëmës, i ka dërguar paratë përmes kompanive të transfertave, për të plotësuar kërkesat e shantazhuesit.
Në një tjetër kallëzim që ka bërë Rayyan Alwan më 3 Janar 2024. Ajo u tha autoriteteve gjermane se ishte e divorcuar prej tre vitesh, se ish-bashkëshorti dhe fëmijët së bashku supozohet të jetojnë në Liban. Ankesa të mëtejshme për kërcënim nga familjarët nuk janë bërë në vazhdim në Berlin.