Deputeti demokrat Saimir Korreshi gjatë fjalës së tij në komisionin hetimor për sterilizimin dhe check-up-in, ka kërkuar të thirret si dëshmitare Vilma Nushi për të dhënë detaje në lidhje me koncesionin.
I njohur për batutat dhe gafat e herëpashershme, Korreshi duket se ka ngaterruar termat duke e quajtur check-up-in, ketch-up, lapsus të cilën e ka ndrequr duke e pasur me një batutë: “”Kështu që edhe majonesë edhe ketch-up-in e këtyre, shoqja Vilma duhet të na vijë të na tregojë si është gatuar dhe si kanë qenë përbëresit..”
Pjesë nga fjala e z.Korreshi.
Saimir Korreshi: Unë mendoj që znj.Vilma Nushi duhet me se s’bën të vijë në Komision. Nuk ka asnjë arsye ndryshe nga të tjerët që kanë përfituar nga sterilizimi dhe Ketch-up-i, pra nga të gjithë pronarët apo aksionerët e tjerë.
Kështu që edhe majonesë edhe ketch-up-in e këtyre shoqja Vilma duhet të na vijë të na tregojë si është gatuar dhe si kanë qenë përbëresit kryesorë që në divident mori 1.7 milion euro. Pra, këtë, shqiptarët duhet domosdoshmërisht ta dinë.