Një fëmijë 1 vjeç është rrëzuar nga ballkoni i banesës së tij. Momenti është kapur nga kamerat e sigurisë së bizneseve përreth, ku shfaqet fëmija teksa përplaset në shpinën e një shitësi, i cili po qëndronte në trotuar.
Heroi, Ruhi Asci, po qëndronte para dyqanit, kur fëmija rrëzohet nga kati i dytë, “pengohet” nga shpina e shitësit, dhe më pas bie në tokë.
I habitur, Ruhi kthehet dhe gjen foshnjën, të quajtur Khatira Amiri, në tokë.
“Në fillim mendova se më kishte rënë një vazo me lule. Kur u ktheva, kuptova se ishte një fëmijë. Ambulanca mbërriti në vendngjarje dhe ata u dërguan në spital me nënën e tyre”, u shpreh ai.
Nëna e fëmijës me origjinë afgane doli me vrap pas këtij aksidenti dhe foshnja u dërgua me urgjencë në spital nga mjekët, ku ndodhet jashtë rrezikut për jetën.