Tayna e cila u ngjit mbrëmë në ”Sunny Hill Festival” nuk dhuroi vetëm një performancë spektakolare muzikore, ajo ndau një copë nga shpirti i saj. Për herë të parë ajo foli për një periudhë të errët të jetës së saj, një kohë kur kishte ndalur së bërë muzikë dhe nuk ishte e sigurt nëse do të kthehej ndonjëherë në skenë.
”Nuk e kam dit a kam me knu më, edhe nuk e kam ditë a kam me ju pa më qysh po ju shoh sot. Se po m’vjen me kajt, e s’kam kajt kurrë në publik, po sot është një natë shumë e veçantë”,-tha Tayna. Ajo ndau historinë e këngës “Si ai” që kishte shkruar gjatë asaj periudhe të vështirëc një këngë që për të ishte simbol i çlirimit shpirtëror. Por kjo këngë, tha Tayna, nuk u prit gjithmonë me dashuri.
Fjalët e saj u shndërruan në një mesazh fuqie për të gjithë ata që përballen me sfida të padukshme: “Çfarëdo momente të këqija që jeni tu kalu, që dikush e din ose se din, gjithmonë mos mu dorëzu kurrë në veten e juaj, me vendos me besu edhe kur ska shpresë. Edhe dine që në terr të jetës ju jeni vet drita”.