Oriola Marashi një nga modelet më të njohura, po nis një kapitull të ri, këtë herë në muzikë.
“Për vite kam treguar histori përmes modës, dritave dhe kamerave. Për herë të parë, kam mundësinë të tregoj historinë time përmes muzikës. Si modele, kam mësuar si të shpreh veten pa fjalë, por muzika më dha guximin të përdor zërin tim. Ky është fillimi i një kapitulli të ri dhe mezi pres ta ndaj me ju”, shkruan Marashi.
Debutimi i saj vjen me këngën “Papi Calma”, në bashkëpunim me producentin dhe reperin Adion, e cila publikohet sonte. Me këtë projekt, Marashi synon të tregojë një anë krejtësisht të re të vetes, duke kaluar nga bota e modës në një rrugëtim artistik që flet me zë e melodi.