Milot Rashica vijon të shkëlqejë me Werder Bremen. Mesfushori sulmues i kombëtares së Kosovës ishte protagonist në fitoren 2-0 që Bremen mori në transfertën e Schalke 04.
Rashica shfrytëzoi në maksimum një asist të Friedl, për të lëshuar një silurë të vërtetë drejt portës së Nubel. Një goditje spektakolare, e cila i dha avantazhin 1-0 Werderit pas 65 minutash lojë. Për të dyfishuar mendoi Klaassen në minutën e 72-të.
Me këtë fitore, Werder Bremen kaloi në gjysëmfinalen e Kupës së Gjermanisë, ndërkohë që ky është goli i 10-të i Rashicës me fanellën e Werder.