Shtëpia e ”Big Brother Albania Vip 3” u trondit nga një përplasje e ashpër mes dy banorëve, Egla dhe Roza, e cila për pak sa sa nuk degradoi në përleshje fizike. Duhet thënë se Roza ditët e fundit po bën debate si me Julin dhe me Eglën, pasi ka qenë në heshtje për shumë kohë. Tensionet mes dyshes, të cilat nuk janë të reja, morën një kthese të re kur ofendimet e rënda filluan të bartin hijen e dhunës.
Egla në prani të banorëve të tjerë e ofendoi Rozën në mënyrë të rëndë. Si përgjigje, Roza u përpjek të largojë jastëkun nga duart e Eglës, duke shtyrë situatën drejt një përshkallëzimi fizik.
Meritoni në një përpjekje për të shmangur një incident më serioz, intervenoi duke u përpjekur të qetësojë gjakrat. Po ashtu Graciano u përfshi, duke tërhequr Rozën dhe duke i porositur se nuk duhet të përdorë forcën.
Skena u përshkallëzua kur Graciano u përfshi, duke i kujtuar Rozës se nuk duhet të përdorte dorë ndaj konkurrentes së tij. “O Roza çfarë je duke bërë? Ç’punë ke që e prek me dorë moj vajzë?” e pyeti ai.