Temperaturat e larta kanë të ditëve të fundit sjellë një fluks të madh vizitorësh në bregdetin shqiptar, ku Vlora ka shënuar ditën me frekuentimin më të lartë të plazheve.
Të dielën, plazhet ishin të mbushura, jo vetëm me vendas, por edhe me turistë të huaj që po shijonin atmosferën verore.
“Këtu është shumë më mirë se në Itali. Ka më shumë qetësi, jetesa është më e lirë dhe ka shumë bashkëkombas të mitë.”
“Deti është po aq i bukur si në Puglia.”
“Kemi vetëm dy orë këtu, kemi qenë në Ksamil, na pëlqen.”
“Janë pushimet e mia të para këtu, më pëlqen.”
Përveç turistëve të huaj, Vlorën këtë sezon veror po e vizitojnë edhe emigrantët që i kthehen vendlindjes për pushime.
Ata janë të pranishëm në plazhe, restorante dhe lokale, dhe e krahasojnë Vlorën me vitet e kaluara. Sipas tyre, qyteti ka njohur një përmirësim të dukshëm në sektorin e turizmit gjatë dekadës së fundit.
Vlora është një destinacion gjithnjë e më tërheqës, jo vetëm për shqiptarët, por edhe për turistët e huaj që e kanë zgjedhur këtë qytet për pushimet e tyre verore. Fluksi i turistëve është gjithashtu i dukshëm në portin e qytetit, ku çdo ditë përpunohen rreth 250 pasagjerë.