Ish-deputetja demokrate, Albana Vokshi i përgjigjet deputetit Taulant Balla, pas akuzave të tij se pagoi me para një prej protestuesve që hodhi bojë të zezë në muret e Ministrisë së Brendshme.
“Nuk hoqën dorë nga metodat e Sigurimit të Shtetit dhe KGB, duke sajuar e shpifur për të baltosur njerëzit e lirë”, shkruan Vokshi duke akuzuar Ballën se është blerë nga “krimi i organizuar”.
Reagimi i Vokshit në Facebook:
Nuk hoqën dorë nga metodat e Sigurimit të Shtetit dhe KGB, duke sajuar e shpifur për të baltosur njerëzit e lirë.
Taulant Balla, e di që mendjen e ke vetëm tek paratë. E di që shitesh dhe blihesh lirë tek padroni i rradhës. Meqë të ka blerë krimi i organizuar prej kohësh, po të kujtoj që qytetarët e lirë as nuk blihen dhe as nuk mund të shantazhohen.
Keqardhje për nivelin ku është katandisur Partia Socialiste.