Babë e bir kanë rënë në pranga pasi dyshon si autorë të vrasjes së një 72-vjeçari, i cili u gjet i vdekur në anë të një përroi në Memaliaj.
Njëri është vënë në pranga si bashkëpunëtor në krim dhe tjetri për përkrahje të autorit të krimit, sipas burimeve të gazetares Dorjana Bezat.
Vrasja dyshohet se është kryer për një konflikt me një nga çobanët e zonës, me të cilët dy muaj më parë ai ka pasur përplasje lidhur me një kullotë për bagëtitë.
Viktima ishte kryeplak i fshatit pranë bashkisë Memaliaj që merrej me ankesat e bashkëfshatarëve duke i adresuar në strukturat policore dhe bashkisë Memaliaj.
Për momentin prokuroria e Gjirokastrës që po heton rastin e lidh ngjarjen për shkak të detyrës që kryente 72-vjeçari Faik Ajdini.
Ndërsa konflikti për kullotën e bagëtive është motivi kryesor.
I moshuari kishte dy ditë që nuk ishte paraqitur në shtëpi. Ndërsa ditën e djeshme, familjarët kishin bërë denoncim në policinë e Memaliaj.
Njëherësh kërkimet janë kryer nga anëtarët e familjes së Faik Hajdinit, i cili mëngjesin e sotëm është gjendur buzë një përroi që lidhet me lumin Vjosa.