Njësia Vendore e Kujdesit Shëndetësor Mat organizoi sot në sheshin “Kastriotët” Burrel një tubim sensibilizues me moton: “Vrapo për jetën”, në kuadër të muajit të ndërgjegjësimi për kancerin e gjirit.
Gra të moshave të ndryshme dhanë mesazhe për parandalimin dhe diagnostikimin e hershëm të kësaj sëmundje vrastare, duke kryer mamografinë dhe kontrolle të shpeshta të gjirit.
Mjeke, këshilltare të Bashkisë Mat, gra të prekura nga kanceri i gjirit, nxënës të shkollave të qytetit Burrelit, përfaqësuese të shoqërisë civile u shprehën se kanceri i gjirit prek çdo grua dhe se në vendin tonë kjo sëmundje zë vendin e parë në shkaqet e vdekjes tek femrat.
Mënyrat për të zbuluar kancerin e gjirit thanë oratoret janë vetkontrolli mujor i gjirit, kontrolli i gjirit tek mjeku, mamografia dhe ekografia e gjirit.
Emocione për të pranishmit në këtë tubim sollën fëmijët e qytetit me këngët dhe recitimet e tyre kushtuar nënave.
