Masakra në Fushë-Krujë me tre viktima u bë nga vrasës me pagesë, të cilët për të arritur qëllimin, ata kanë përdorur teknika ushtarake. Autorët kanë vendosur lëndë djegëse në makinën ku ndodheshin tre viktimat. Dyshohet se kjo është teknikë ushtarake që përdoret në ushtri.
Kjo ngre dyshime që autorët e masakrës kanë qenë të mirëpërgatitur dhe me pagesë. Brilant Martinaj, Diklen Vataj dhe Besmir Hoxhaj viktimat e kësaj masakra, janë emra të njohur të botës kriminale.
Mbi 10 persona janë shoqëruar pranë Drejtorisë Vendore të Policisë së Durrësit. Edhe sot me dhjetëra forca të FNSH-së kanë mbërritur në Fushë Krujë, për të mbledhur të tjera prova nga vendngjarja.
Tre persona mbetën të vdekur pasditen e së dielës në një atentat në mbikalimin e Fushe-Krujës, ku persona ende të paidentifikuar qëlluan mbi një makinë në ecje, e cila doli nga rruga dhe shpërtheu në flakë.