Dy vëllezërit, Sajmir dhe Landi Miri të akuzuar për vrasjen me kaçavidë të 34-vjeçarit Indrit Ndoj, janë liruar nga burgu. Gjykata e Krujës vendosi për ta të shfuqizojë masën e sigurisë “arrest me burg”.
Ndaj tyre është caktuar masa ndalim i daljes jashtë shtetit dhe detyrim paraqitje.
Ndoji u gjet i vdekur më 21 tetor të vitit që shkoi në një kanal në Fushë-Krujë.
Dy vëllezërit kanë deklaruar para hetuesve se nuk kishin për qëllim të vrisnin 34-vjeçarin, por situata u ka dalë nga duart, pasi sipas tyre Indrit Ndoj i ka sulmuar fizikisht.Ndërsa kanë treguar se në momentin që janë larguar, Ndoj ka qenë gjallë.