Gjykata e Lartë rrëzon rekursin e ish-policit të “Shqiponjave”, Nevaldo Hajdaraj, i cili vrau të riun Klodian Rasha me 8 dhjetor 2020. Mbetet në fuqi vendimi i Gjykatës së Apelit dhe dënimi me 18 vite burg për vrasje me dashje, por që zbret në 12 vite heqje lirie për shkak të gjykimit të shkurtuar.
Rekursi që është rrëzuar po ashtu, kishte depozituar edhe Prokuroria e Apelit e cila kërkonte dënimin e ish-efektivit me 20 vite burg, dënimi maksimal që parashikon neni 76 i Kodit Penal, dhe mos pranimin e gjykimit të shkurtuar për Hajdarajn.
Vrasja ndodhi gjatë kohës së masave kufizuese për pandeminë Covid-19. Pamjet filmike tregun se ish-polici e qëlloi me armën e shërbimit nga pak metra distancë vetëm se viktima nuk i’u bind për të ndaluar.