Presidenti i Serbisë, Aleksandar Vuçiç, është shprehur i kënaqur me marrëveshjen e nënshkruar sot në Uashington, në praninë edhe të presidentit të SHBA-së, Donald Trump por nuk ka mbetur pa provokuar lidhur me statusin ndërkombëtar të Kosovës.
Vuçiç u shpreh për mediat serbe se kjo marrëveshje nuk është tripalëshe, meqë sipas tij, pala e tretë (duke iu referuar Kosovës) nuk është subjekt i së drejtës ndërkombëtare.
“Kjo gjë që është mirë për ne. Kjo është një marrëveshje mes nesh dhe SHBA-së”, ka thënë Vuçiç, raporton B92.net.