Sot në qytetin e Peshkopisë u mbajt Festivali i 26-të Folkorik Mbarëkombëtar i “Odës Dibrane”.
Ky aktivitet kulturor mblodhi në qytetin verilindor grupe artistike nga Shqipëria, Maqedonia e Veriut dhe Kosova.
Grupet shpalosën në bulevardin “Elez Isufi” numrat që ato kishin përzgjedhur për këtë event.
Festivalin e ndoqi edhe ministrja e Mbrojtjes Olta Xhaçka, Prefekti i Dibrës Nexhbedin Shehu dhe kryetari i Bashkisë Dionis Imeraj.
Postimi i ministres Xhaçka:
“Oda Dibrane këtë vit shënoi edicionin e 26-të. E siç e do tradita, dhoma e pritjes së mikut mblodhi dhjetëra artistë të Shqipërisë, Kosovës e Maqedonisë së Veriut, dhe qindra qytetarë pranë Pallatit të Kulturës së Peshkopisë. Vlerësim e mirënjohje për çdo artist që mban gjallë vatrën e besës e bujarisë, e ku brez pas brezi shpaloset urtësia e mençuria e çdo treve.”
