Disa orë pas emërimit në postin e zëvendësministres Almira Xhembulla, ish deputete e PS-së në Qarkun e Dibrës falenderoj publikisht Kryeministrin Edi Rama dhe ministren Kumbaro për besimin dhe vlerësimin e dhënë dhe premton se nuk do t’i mungojë vullneti dhe përgjegjësia për ta kryer këtë detyrë.
Postimi i Almira Xhembullës:
Nder, privilegj dhe përgjegjësi!
Mirënjohëse ndaj kryeministrit Edi Rama për vlerësimin dhe Ministres Mirela Kumbaro për besimin dhe mbështetjen!
Ky është një moment jo vetëm i rëndësishëm në karrierën time, por edhe jashtēzakonisht sfidues dhe i bukur!
Përgjegjësinë ma shton besimi dhe pritshmëria e të gjithë kolegëve, ish kolegëve, partnerëve e donatorëve, miqve të natyrës dhe shokëve të maleve për të bërë maksimumin.
Jam e bindur që pa ndihmën dhe bashkëpunimin tuaj nuk do të mund të bëj aq sa dua, ndaj ju ftoj ashtu si gjithmonë ti bashkojmë idetë, forcat dhe mundësitë!
Për një Shqipëri të pastër me natyrë të bukur, me turistë të lumtur dhe ekonomi të përmirësuar.
Një sfidë e re me vullnetin dhe angazhimin e duhur!