Është zbardhur projektvendimi për ngritjen e Komisionit të Reformës Zgjedhore, i cili parashikon përbërje të balancuar mes mazhorancës dhe opozitës.
Sipas dokumentit, komisioni do të ketë 7 anëtarë nga Partia Socialiste dhe 7 nga Partia Demokratike, duke siguruar barazi mes dy kampeve kryesore politike. Përveç tyre, PSD dhe partia “Mundësia” do të kenë nga një anëtar secila.
Ndërkohë, Lëvizja Bashkë dhe Shqipëria Bëhet do të kenë të drejtë të marrin pjesë në mbledhjet e komisionit, por pa të drejtë vote.
Ky hap konsiderohet një moment i rëndësishëm drejt fillimit të punës për përgatitjen e ndryshimeve në Kodin Zgjedhor, me synim garantimin e një procesi më transparent dhe gjithëpërfshirës.