Zbulohen 5 emrat që do të vendosin për fituesin e Festivalit të Këngës

Këngëtarja e pedagogia Alma Bektashi, poetja Rita Petro, dhe muzikantët Genc Saliu, Zhani Ciko dhe Elton Dedaj janë pesë emrat e jurisë që do të vendosë tre çmimet e para të Festivalit të Këngës për këtë edicion të 61. Emrat siç ishte bërë me dije, u bënë të njohur për publikun gjatë konkurrimit të këngëve të para. Kujtojmë se këtë vit do të jepen edhe çmim për artistët e rinj dhe një për karrierë. Fituesi për në Eurosong do t’i lihet votës së publikut, përmes sms-ve.