Tony Robbins është amerikani që po frymëzon botën me fjalimet e tij. Ai poston gjithmonë fjalime frymëzuese duke ndihmuar njerëzit që kanë probleme me vetëbesimin apo probleme të tjera të jetës në punë shkollë apo njerëz që kanë dështuar në një moment të jetës së tyre.
Tony ka patur një fëmijëri të tmerrshme, që e ka formuar atë që është sot.Robbin është një prej “life coaches” më të famshëm të momentit, ku drejtorët ekzekutivë të kompanive dhe miliarderë të bizneseve të mëdha konsultohen me të.
Ai u bë i njohur kur ishte 26 vjeç nga aftësia për ta mbajtur turmën të përqendruar dhe të emocionuar për orë me radhë gjatë seminareve.
Deri më tani, me punën e tij ka bërë që miliona njerëzve t’i ndryshojë jeta pozitivisht!
Krahas fjalimeve motivuese, ai është autor i 4 librave përmes të cilëve kërkon që njerëzit të shohin dritën brenda tyre që të arrijnë nivelin e lumturisë që kërkojnë në jetë.
Ai listohet si një prej 200 guruve më të mirë të biznesit nga “Harvard Business Press” dhe si një prej 100 njerëzve me më shumë ndikim në financën globale.
Tonny Robbins gjithmonë i ka ndihmuar të varfërit dhe ai thekson: “Duke dhënë më shumë, ne bëhemi më shumë!”
Ai arriti të bëhej çfarë është sot, duke ndjekur shembullin e figurave të mëdha botërore, me të cilët pati fatin të punojë, si Nelson Mandela, Mikhail Gorbachev, Margaret Thatcher, Nënë Tereza dhe shumë të tjerë. Miliona njerëz nga e gjithë bota konsultohen rregullisht me të për të ecur në rrugën e duhur.
Ai beson se njeriu mund të përmbushet plotësisht vetëm nëse jep, nëse shërben.
“Ne ndihemi të vegjël dhe shumë më të sfiduar kur fokusohemi vetëm tek vetja!” Kjo sepse edhe kur mendon se e ke përmbushur veten duke marrë atë që mendon se doje, në një moment a tjetër do të shohësh se gjendesh në një pozicion që s’është kurrë mjaftueshëm. Me pak fjalë, ajo që do marrësh nuk do të bëjë kurrë të lumtur. KUSH t’i bëhesh mund të të bëjë shumë të lumtur ose shumë të trishtuar. Kjo na bën të ndihemi gjallë!”, ështëshprehur ai.
Për të qenë pjesë e seminareve të tij nuk kushton pak, pasi një bilete e thjeshtë fillon nga 650$ , bileta VIP është $1,095, Diamond kushton $2,395 dhe Diamond Premiere është $2,995.