Nga avokatja Denisa Daka
Fjalēt e njē studenteje nga Shkodra gjatē takimit të sotēm, mē mbetēn nē mēndje gjatē..”Me hy në punë me 5 mijë euro me PS dhe me të heq PD..se dua fare diplomën”..
Mbērritja nē këto nivele tē skajshme dëshpërimi e humbje shprese nga tē rinjte kētu, është drama më e madhe qē mund t’i ndodhē njē kombi.
Njē ligj pa formē e pērmbajtje, njē reformē e mangēt dhe e cunguar, njē sistem i tērē i pareformuar, pamundësia e gjetjes së një vendi pune pas mbarimit të studimeve universitare apo pērzgjedhja jashtë kritereve tē meritokracise të njē dorè njerëzish sipas përkatēsive partiake a klanore, janē dhe mbeten makthi dhe shqetēsimi kryesor për kēta të rinj, familjet e tyre gjithashtu.
Rektorē, dekanë, shtetarë e pushtetarë, kjo besë e re gjjthashtu, qē nuk po ka durim e mëncuri të dëgjojë zërin e tyre por dhe t’i mbēshtesë sic duhet a sic i ka hije një prijëse nē udhēn e tyre, nuk po duan të kuptojnë të gjithë bashkë që me kētë format e mendēsi mesjetare, po humbasim ardhmērinē.
Zērin e pasigurinē e sejcilit prej të rinjve kētu, po e mbyt çdo ditē e demagogjia e konfrontizmi.
Shpresoj shumë që një prej tē vetëve t’i thotë Besës “në besē”, se nēse gjērat nuk ndreqen nē kohēn e duhur, nēse nuk bēhet e mundur cuarja përpara e njē reforme, duke ndryshuar sakaq mendēsinë e politikbêrjes posacērisht, minimumi për mungese etike e komunikimi, do tē duhet tē largohet dhe ajo sē shpejti prej kētij konaku, pa shenjuar e pa lēnē sipas gjasave asnjē shenjē e gjurmē.
Ndryshe të vrasësh shpresên e besimin tek cilitdo prej tē rinjve nē kētē vend, ēshtë pērvecse tē vrasësh ardhmerinē dhe t’i tregosh sejcilit, se emigrimi dhe largimi sa me parē nga Shqipëria, është e vetmja rrugë shpëtimi apo e vetmja alternativë. / Tirananews.al/