Kryetarja e LSI-së Monika Kryemadhi e ftuar sot në “open” tha se nuk duhet ngritur kulti i individit brenda partisë dhe se zgjedhja e kryetarit nuk është çështje vitale, por programi dhe çfarë ofron kjo parti.
Në një debat me analistin Artion Sulo, i cili i konsideroi jo-demokratike zgjedhjet brenda LSI, Kryemadhi e kaloi në personale duke e pyetur për bashkëshorten e tij.
Kryemadhi: Ka ikur dhe Ilir Meta. Në një parti politike kështu është. Mund të iki dhe Kryemadhi nesër. Mund të mos jesh titullar, por mund të jesh kontribues. Ne u krijuam si strukturë sepse kishte mungesë hapësirash.
Sulo: Pse bëni ju çfarë bën Rama, çfarë ofroni ju në popull kur bëni zgjedhje pa kandidatë, vetëm me ju me një kandidat?
Kryemadhi: Pse bashkëshortja juaj kur ju ka zgjedhur juve, ka pasur tre kandidatë?
Vasili: Aaa jo kështu mos kaloni personale.
Kryemadhi: A këto shembuj nuk ju pëlqejnë juve?
Vasili: Bashkëshortja e Artionit ka përgjegjësi për atë dhe familjen, ju keni për qytetarët.
Sulo: Duhet të jeni më shumë demokratë brenda partisë, nuk keni demokraci. Nuk bëhen zgjedhje pa kundërshtarë.