Drejtori i Shërbimit Zjarrfikës për Tiranën, Shkëlqim Goxhaj, bëri me dije se flakët që përfshinë pallatin në Tiranë janë vënë nën kontroll dhe pritet që ekspertet të bëjnë verifikimet për të përcaktuar shkaqet e zjarrit.
Në një prononcim për mediat, Goxha theksoi se nuk ka persona të lënduar.
“Në këto momente situata është në kontroll. Është pjesa ballore në flakë, ajo lindore ka përfunduar. Është vetëm zjarri në një banesë Jemi interesuar për qytetarët dhe fillimisht kemi bere evakuimin. Nga kontrolli nuk ka më qytetarë të dëmtuar. Dëmi është goxha i madh, por po shkon drejt izolimit.
Në këto momente nuk mund te flasim për shkaqe të zjarrit dhe për rezultatet përfundimtare. Do jemi në përfundim deri në përfundimin e zjarrit dhe përcaktimit të shkaqeve. Zjarri ka qene i shtrirë në pjesën e jashtme. Nuk mund te flasim ende me saktësi, por të dëmtuara janë vetëm banesat të cilat janë hapur dritaret dhe fasada. Dyert janë të blinduara, për momentin nuk i verifikojmë dot. Të dëmtuara banesa janë vetëm ato që kanë pasur hapur dritaret. Fasada e objektit ka favorizuar flakët“, tha ai për mediat.