Deputeti i PD Arbi Agalliu ka publikuar pamje nga zona përreth Vjosës e përmbytur nga uji. Agalliu shkruan se qyteza e Selenicës në zonën e Bishtit të Malit është e pakalueshme.
Sipas tij, mungesa e theksuar e investimeve në argjinaturë, në kanalet kulluese, abuzimi me shtratin e lumit nga kompanitë e inerteve si dhe ndërtimet pa leje bëjnë që sot të kemi këto përmbytje.
“Vijojnë të ngelen të përmbytura zonat rreth Vjosës, dhe jo vetëm. Qyteza e Selenicës, në zonën e quajtur Bishti i Malit është bërë e pa kalueshme, si çdo fshat përgjatë Vjosës. Mungesa e theksuar e investimeve në argjinaturë, në kanalet kulluese, abuzimi me shtratin e lumit nga kompanitë e inerteve si dhe ndërtimet pa leje bëjnë që sot të kemi këto përmbytje”, shkruan Agalliu.