“Punë të mëdha kemi përpara”, tha në mesazhin e parë pas zgjedhjes në krye të Bashkisë Dibër Rahim Spahiu.
Në garën e një dite më parë ai fitoi 13.995 vota, mbi 60 % të votave të vlefshme, një rezultat ky befasuese edhe për socialistët e Dibrës.
Spahiu falenderoi çdo dibran që sfidoi kushtet atmosferike dhe votoi me 6 mars dhe mbështeti kandidaturën e tij.
“Tashmë nis një betejë e re, me plot sfida”, shtoi më tej kryebashkiaku i sapozgjedhur në veri të vendit.
Postimi i Rahim Spahiut:
Thellësisht mirënjohës për çdo dibran që dje u bë pjesë e proçesit zgjedhor, pavarësisht kushteve të vështira të motit. Falënderues deri në përulësi për besimin dhe mbështetjen e shprehur me votë ndaj kandidaturës sime. Tashmë nis një betejë e re, me plot sfida. Do ja dalim, të gjithë së bashku, pa asnjë dallim, për ta çuar Dibrën aty ku e meriton e ku dibranët e presin.
Punë të mëdha kemi përpara.