Shefi i Facebook, Mark Zuckerberg ka paralajmëruar një seri ndryshimesh në rrjetet e tij sociale, përfshi Instagramin dhe WhatsApp-in.
Dizajni i ri dhe risitë për aplikacionet janë një përgjigje direkte për kritiakt e përhapura se si kompania mbron të dhënat e përdoruesve.
Zuckerberg është shpreuhr se kompania ka planifikuar privatësinë të parën, i vetëdijshëm se duhet shumë punë për të rindërtuar besimin.
Në një fjalim me zhvilluesit, Zuckerberg e përshkruan fokusin e ri të kompanisë mbi privatësinë si “ndryshimin më të madh” të saj.
Disa nga ndryshimet e dukshme të kompanisë përfshijnë:
Mesazhet përmes Messenger do të jenë të koduara që në fillim, që do të thotë se dhe vetë Facebook nuk do të shohë përmbajtjen dhe platforma do të integrohet tërësisht me WhatsApp.
Instagrami po shqyrton një risi “të llogarisë private të pëlqimeve”, që do të fshehë “pëlqimet” nga të tjerët dhe do i shohë vetëm përdoruesi.
Do të ketë mënyra më “kalimtare” për të shpërndarë përmbajtje në mesazhe, që do të thotë se nuk do të ketë një regjistrim të përhershëm të tyre.
Një shërbim i pagesave të sigurta në WhatsApp u zhvillua në Indi dhe do të përhapet dhe në vendet e tjera gjatë këtij viti.
Aplikacioni i Facebook do të ridizenjohet për të vendosur në qendër të “newsfeed” grupet e komunitetit, dhe do të bëhet dhe markimi i dallueshëm blu. Dizajni i ri po përdoret aktualisht në SHBA dhe do të përhapet gradualisht në të gjithë botën.
Postimet e Instagramit nuk do të duhet të fillojnë me një foto apo video, por do të ketë mundësi të shpërndani përmbajtje duke përdorur tekst, ngjitësa apo vizatime falë një mënyrë te re kamere, “krijuese”