Mjaft i ashpër ka qenë Presidenti Ilir Meta në mesazhin e tij për Ditën e Punëtorëve, duke shprehur shqqetësimin për kushte më të mira dhe më dinjitoze të punës.
“Por fatkeqësisht, Shqipëria ka ende një nivel të papranueshëm papunësie dhe vazhdon të vuajë largimin në emigrim të shumë punëtorëve, veçanërisht atyre të kualifikuar. Është detyra e shtetit në rradhë të parë të garantojë, jo vetëm hapjen e vendeve të reja, por edhe kushte më të mira pune, në mënyrë që kjo kategori vitale të ndërtojë të ardhmen dhe të kontribuojë këtu për zhvillimin ekonomik të familjes, shoqërisë dhe Shqipërisë”, thotë Meta në mesazhin e tij.
Ai falenderoj dhe të gjithë emigrantët shqiptarë, “që me punë të ndershme kanë dhënë një ndihmë të jashtëzakonshme kundër varfërisë dhe zhvillimit të vendit në vitet e vështira të tranzicionit”.