Partia Demokratike përmes 10 deputetëve ka bërë një kërkesë këtë të premte për përjashtimin me 10 ditë nga kuvendi të Elisa Spiropalit, kjo për shkak të sjelljes ndaj deputetit Edmond Spaho. Ofenduese dhe tallëse u tregua ministrja Elisa Spiropali, duke kërkuar 1 minutë heshtje për të. Kjo për shkak se ai u përjashtua nga punimet e Kuvendit.
“Një minutë heshtje për Edmond Spahon që ra në Komisionin e Etikës si revolucion i vërtetë. I palodhur, keqardhje që trashëgimia e tij e bilbilfryrjes nuk u trashëgua te ju. Ai ishte më i guximshëm se ju. Do jetë në zemrat tona deri pas 20 ditëve ku do të jetë sërish këtu bashkë me ju. Ju po e kërkoni kauzën aty ku nuk është. Ju akuzoni si denoncues të Zotit Basha”, tha ajo.
Kjo deklaratë solli revoltimin e demokratëve në seancë, ndërsa kryetarja e Kuvendit, Lindita Nikolla, i tërhoqi vërejtje Spiropalit.
