10 të burgosur të cilësuar si “të fortë” që dyshohen se komunikojnë dhe japin urdhra jashtë qelisë, janë vënë nën vëzhgim me urdhër nga Drejtoria e Përgjithshme e Burgjeve.
Vendosja nën “Big Brother” e tyre në distancë po kryhet pas disa krimeve të rënda të muajve të fundit, që bëjnë fjalë jo vetëm për trafiqe por edhe për atentate.
Deri më tani nën regjimin e ashpër “41 biss” mbahen veç 7 të burgosur dhe të paraburgosur për të cilët sipas një hetimi në distancë i ngjashëm me këtë që po kryhet aktualisht, u mblodhën të dhëna se secili nga të burgosurit ishte i rrezikshëm dhe mbante komunikime me anëtarë të grupeve jashtë burgut.