Gjykata e Tiranës ka dënuar me 1 vit heqje lirie një 15-vjeçare për shantazh ndaj një djali 8 vite më të madh. Megjithatë nuk do të kryejë asnjë ditë burg për shkak të moshës.
Ajo u shpall fajtore për “shtrëngim me anë të kanosjes për dhënien e pasurisë”.
Adoleshentja ishte njohur me djalin në rrjetin social “Instagram”. Më pas e vijuan komunikimin në rrjetin “SnapChat”. Aty biseda ishte bërë erotike, si kurth për 23-vjeçarin, i cili u shantazhua për t’i dhënë asaj 100 mijë lekë ose në të kundërt do të kallëzohej në polici për ngacmim të të miturve.
Para se të dorëzonte paratë e kërkuara, djali vendosi të njoftojë policinë, dhe gjatë shkëmbimit agjentët monitoruan gjithçka, ndërsa vunë në pranga të miturën.