Kjo foto e rralle, e ketij mjeti unikal transporti, eshte e fiksuar ne Shqiperine e vitit 1920.
Sipas gazetarit Ilir Ikonomi duke shfrytezuar dekovilin e braktisur te linjes Tirane- Durres, te braktisur nga austriaket pas Luftes I Boterore, shqiptaret improvizuan kete “tren” qe udhetonte mbi shina, ku rolin e lokomotives dhe te trenistit e luante nje kal me te zotin.
HISTORIA
Nje dokument i datës 18 dhjetor 1918 dëshmon per urdherin e dhënë që hekurudhat në Shqipëri të çmontoheshin dhe në pamundësi për t’u kthyer në Austri, të shkatërroheshin nga forcat ushtarake, të cilat ndodheshin në territorin shqiptar të luftimeve.
Ishte koha e tërheqjes së ushtrisë austro-hungareze. Koloneli Shemerl shkruan se:
-Sipas gjithë investitorëve, dëshmive dhe akteve lidhur me materialet hekurudhore në Shqipëri, pjesërisht janë shkatërruar dhe pjesërisht duken të humbura dhe të pakthyeshme…
Kemi nën administrim disa linja, si : Tiranë-Virpazar, Lezhë-Vorë, të cilat i ruan detashmenti i shfrytëzimit. Komanda austriake kishte ngarkuar oficerë të cilët kishin detyrë që të ruanin të gjitha linjat hekurudhore dhe kjo është e pasqyruar në këtë dokument hollësisht, sipas linjave që nga Labinoti deri në Mal të Zi.
Njera nga keto linja u shfrytezua ne menyren me origjinale te mundshme, nga shqiptaret qe shquhen per “shpikje” te tilla kaq interesante sa kjo qe shihni ne kete foto te rralle.