Sekretari i Përgjithshëm i Partisë Demokratike Gazmend Bardhi e konsideroi të paarsyeshme fshehjen e formularëve të demokratëve që kanë firmosur për thirrjen e Kuvendit Kombëtar të PD-së.
I ftuar në “Open”, Bardhi tha se nuk ka asnjë të dhënë personale të anëtarëve të PD-së që atij mund t’i mbahen sekret. Madje shtoi se ai ka edhe kartat e identitet të çdo personi që mund të ketë firmosur.
“Cili është sekreti, cilat janë të dhënat që do të mbahen sekret? Kartat e identitetit, unë i kam kartat e identitetit të të gjithë anëtarëve, nuk mund të më fshihen mua,”- tha Bardhi.