Si sot, 11 vite më parë humbën jetën 26 persona e u plagosën rreth 300 të tjerë në ngjarjen e rëndë të Gërdecit, ku shpërtheu një depo municioni. Ishte 15 mars 2008, afërsisht mesditë kur ndodhi tragjedia.
Ngjarja tronditi mbarë opinionin publik por mori dhe vëmendjen e mediave botërore, pasi ngjarja pasoi me lajme mbi afera korruptive në këtë fabrikë demontimi.
Sipas vendimit të gjykatës, ish-përgjegjësi i fabrikës së armëve të demontimit që shpërtheu më 15 mars të vitit 2008 në Gërdec u dënua me 18 vjet burg, ish-drejtori i MEICO, Ylli Pinari po me 18 vjet burg, kurse administratori i fabrikës Alba-Demil, Mihal Delijorgji me 10 vjet burg.
Të dëmtuarit vijojnë të mbeten të pakënaqur me vendimet e gjykatave dhe dëmshpërblimet.