Krah njëri-tjetrit, nën tingujt e himnit kombëtar, krerët më të lartë të shtetit shqiptar morën pjesë në ceremoninë e ngritjes së flamurit shqiptar me rastin e 113-vjetorit të Pavarësisë së Shqipërisë.
Ceremonia u zhvillua në Monumentin e Pavarësisë në Vlorë.
I pari që vendosi kurorë me lule në nderim të Ismail Qemalit ishte kreu i shtetit, Bajram Begaj, që u ndoqën më pas nga kryeministri Edi Rama dhe kryeparlamentari Niko Peleshi.
Në këtë ngjarje të rëndësishme për vendin nuk mungoi as presidentja e Kosovës, Vjosa Osmani.
E pranishme ishte edhe kryebashkiakja e re e Vlorës, Bruna Mersini.
Nga viti 1912 kur Ismail Qemali shpalli Pavarësinë e Shqipërisë nga Perandoria Osmane, kjo datë është festa që përbashkon të gjithë shqiptarët, jo vetëm ata në shtetin amë, por edhe ata të Kosovës, të trojeve të tjera, por edhe miliona shqiptarëve që jetojnë në mbarë botën.