12 vite burg për ish-truprojën e Saimir Tahirit

12 vite burg kërkon SPAK-u për Hekuran Markun, ish-truproja e ish-ministrit të Brendshëm, Saimir Tahiri. Për shkak të gjykimit të shkurtuar, kërkimi përfundimtar shkon në 8 vite burg. Marku u arrestua gushtin e kaluar në Gjermani në operacionin anti-drogë “Shpirti”, pasi ishte shpallur në kërkim. Në të njëjtën kohë, u arrestua në Francë edhe ish-truproja tjetër i Tahirit, Paul Deda. Ata akuzohen se gjatë kohës që kanë shërbyer si truproja të ministrit Tahiri kanë trafikuar rreth 1 ton kanabis drejt Italisë.